Utdanningsmessa på Lillestrøm var ein suksess
Mange tusen elevar var innom den aller største utdanningsmessa i landet i løpet av tre dagar denne veka.
- Eg har hatt mange lange samtalar med interesserte elevar, fortel Sindre Pedersen, lærarstudent på GLU 1-7 ved Høgskolen i Oslo og Akershus (HiOA).
Han har vore ambassadør på utdanningsmessa på Lillestrøm. Ambassadørgjengen på Lillestrøm har fått mange spørsmål og gitt mange svar dei siste dagane.
– Det har vore kjempeartig, dei lurer på alt mogleg! Eg har snakka med dei om fag dei brenn for, om utdanningsløpet, om alle dei ulike lærarutdanningane, om moglegheitene som finst og om praksis. For å nemne noko. Då er det givande å sjå at dei går derifrå med svar, og forhåpentleg ei lyst til å bli lærar, seier Sindre.
Neste messe er i Tromsø. Torsdag 26. og fredag 27. januar står teamet på stand i Tromsøhallen. Kom og snakk med oss!
Ambassadørane Ragnhild Heintz og Håvard Tjora.
Her får dei besøkande prøve seg på quiz.
Ambassadør Sindre Pedersen snakkar med Hanna Lukris Meen Wærsted
Frå venstre: Håvard Tjora, Kent Inge Waaler, Elisabeth Gautefall Hiis, Sindre Pedersen og Bård Håvard Solli