GNIST

GNIST– partnarskap for ei heilskapleg lærarsatsing

GNIST er ei brei satsing for å styrkje kvaliteten på lærarutdanninga og utvikle lærarprofesjonen. Partnarskapet jobbar for å auke statusen til lærarane og rekruttere fleire gode lærarar for framtida.

GNIST er namnet på eit femårig samarbeid mellom Kunnskapsdepartementet, Utdanningsforbundet, KS, LO, NHO, Pedagogstudentene, Studentenes Landsforbund, Norsk Lektorlag, Skolenes Landsforbund, Norsk skolelederforbund og Nasjonalt råd for lærerutdanning.

Hovudpunkta i samarbeidet er ein omfattande rekrutteringskampanje, betring av lærarutdanninga og kompetanseheving for lærarar og skuleleiarar.

GNIST-partnarskapet har desse måla for satsinga fram mot 2014:

• Auka status for læraryrket
• Ei krevjande og relevant lærarutdanning
• Eit system for vidareutdanning som er varig, effektivt og av høg kvalitet
• Solid og stabil rekruttering til lærarutdanninga av motiverte og godt kvalifiserte studentar som vel å bli i yrket
• Klarare forventningar til kva lærarkompetansen skal vere
• Fleire vegar inn i læraryrket
• Framifrå kompetanse hos lærarane
• Tettare kopling i utviklinga av skulen mellom universitet og høgskular, skuleeigarar og skular
• Ein lærarprofesjon som er prega av engasjement og grundig vitskapleg basert praksisutvikling
• Betre tilrettelegging for at lærarane skal kunne konsentrere seg om læringsaktivitetane
• Tydelegare leiarar som tek aktivt ansvar for utviklinga i skulen
• Høgare kvalitet på FOU i skule og lærarutdanning
• Raskare implementering av ny, praksisrelevant kunnskap

Våre partnere:

Relaterte dokumenter:

• Partnerskapsavtalen